Það veitti eftirtekt og þótti ögn vandræðalegt að Brie Larson skyldi neita að klappa fyrir Casey Affleck þegar hún færði honum Golden Globe verðlaun á dögunum – svo að flestir bjuggust við því að einhver annar yrði fenginn til að færa honum sjálf Óskarsverðlaunin. En nei – sagan endurtók sig, og Bree stóð aftur upp á sviði, færði Casey verðlaun og klappaði EKKI.

En hvaða ólund er þetta eiginlega í konunni? Jú sjáið til, Brie hefur verið virk talskona gegn kynferðislegu ofbeldi, og Casey hefur legið undir alvarlegum ásökunum um einmitt það.
Casey hlaut í báðum tilfellum verðlaun fyrir besta leik karlmanns í aðalhlutverki í kvikmundinni Manchester by the Sea, en hann er 41 árs gamall og yngri bróðir óskarsverðlaunahafans Ben Affleck. Um er að ræða tvö mál frá árinu 2010 sem fengu aftur athygli þegar tilnefningarnar voru ljósar. Casey á þá að hafa ítrekað áreitt tvær samstarfskonur við gerð myndarinnar I’m Still Here sem Joaquin Phoenix lék aðalhlutverkið í, önnur þeirra var framleiðandi sem hann hafði starfað með í áratug, og hin kvikmyndatökukona. Samið var um bæði málin áður en kom til réttarhalda.

Brie lagði mikið á sig við að setja sig í spor þolenda ofbeldis þegar hún lék í kvikmyndinni Room, sem fjallar um konu sem er haldið í litlum kofa þar sem hún og sonur hennar þurfa að þola kynferðislegt og líkamlegt ofbeldi af hálfu karlmanns. Fyrir hlutverkið fékk hún Óskarsverðlaun sem besta leikkonan í fyrra. Brie hefur síðan talað fyrir því að hlustað sé á þolendur og að gerendur komist ekki upp með brot sín.

Áhorfendur tóku eftir vandræðaganginum á sviðinu og því að Brie faðmaði Casey snögglega og klappaði ekki fyrir honum. Það þótti kaldhæðnislegt því að á Óskarsverðlaununumm í fyrra var hún á sviðinu á meðan Lady GaGa flutti lagið Till it happens to you, og faðmaði þolendur kynferðisofbeldis sem með henni voru á sviðinu.

Ýmisr fjölmiðlar hafa fjallað um málið. Þar á meðal Independent og Huffington Post.