Maybelline hefur tilkynnt hver mun vera nýjasta andlit þeirra í auglýsingum og það er enginn annar en Manny MUA, en hann er mjög þekktur innan förðunarheimsins. Hann er með vinsæla YouTube rás, milljónir fylgjenda á Instagram, hefur gert augnskuggapallettu í samvinnu við Makeup Geek Cosmetics og listinn getur haldið endalaust áfram. Manny MUA er æðislegur karakter og mjög fær förðunarfræðingur. Þetta er í fyrsta skipti sem Maybelline velur karlmann til að vera andlit fyrirtækisins og mun hann vera andlit Maybelline fyrir nýja maskarann þeirra Big Shot Mascara. Bleikt hefur áður fjallað um Manny MUA, sem heitir með réttu nafni Manny Guiterrez, þegar við fjölluðum um stráka sem væru að taka yfir förðunarheiminn.
„Þegar ég var krakki þá horfði ég á mömmu mína gera sig til fyrir vinnu og ég fylgdist með henni í nokkra klukkustundir umbreyta sér,“
sagði hann við Teen Vogue.
„Það var hinsvegar ekki þangað til mun seinna að ég byrjaði að fikta sjálfur með snyrtivörur.“
Maybelline er ekki fyrsta snyrtivörufyrirtækið til að velja karlmann til að vera andlit fyrirtækisins, en Cover Girl tilkynnti í nóvember að James Charles væri nýjasta andlit þeirra.
Horfðu á auglýsinguna hér fyrir neðan:
Sjá einnig:
http://bleikt.pressan.is/lesa/strakar-sem-eru-ad-taka-yfir-fordunarheiminn-fardi-er-ekki-bundinn-kyni/
http://bleikt.pressan.is/lesa/nyjasta-andlit-cover-girl-er-strakur/
