Söngkonan Elín Sif gefur í dag út nýtt lag, sem er það fyrsta sem hún gefur út frá því að hún lenti í 3. sæti í Söngvakeppni Sjónvarpsins árið 2015.

Þar flutti hún frumsamið lag „Í kvöld,“ þá 16 ára gömul. Síðan þá hefur hún meðal annars unnið Söngkeppni Framhaldskólanna árið 2016 ásamt hljómsveitinni Náttsól.

Lag og texti eru samin af Elínu sjálfri en að útsetningu komu Reynir Snær Magnússon, gítarleikari og Þorvaldur Þór Þorvaldsson, en hann pródúseraði og hljóðblandaði lagið.

Lagið má greina sem létt indie-popp og fellur vel að eyrum hlustenda.

Lagið er einnig á Spotify.