Meðlimir GNR eru mættir til landsins en sveitin heldur stórtónleika á Laugardalsvelli annað kvöld. Strákarnir hafa lausan tíma fram að tónleikum og bassaleikarinn, Duff McKagan, brá sér í Pönksafnið í skoðunarferð.
Gunnþór Sigurðsson bassaleikari Q4U starfar í Pönksafninu og segist hann ekki hafa þekkt kappann strax. „En þegar hann tók af sér húfuna þá sá ég um leið hver þetta var,“ segir Gunnþór.
Tóku þeir létt spjall saman um bassann og bransann og smelltu að sjálfsögðu í sjálfu.
Duff skildi auðvitað áritun sína eftir á Pönksafninu.
