Halldór Halldórsson, betur þekktur sem Dóri DNA, grínari og rappari aðstoðaði félaga sinn við að flytja búslóð í vikunni. Pantaður var sendibíll og sendibílstjórinn kvartaði í sífellu yfir stefnu Reykjavíkurborgar í samgöngumálum. Talaði hann um „þessi helvíti sem eru með bíla-fóbíu“ og „hræðilega heimsk skipulagsyfirvöld“ borgarinnar. Þoldi þá Halldór ekki lengur við og tjáði honum að eiginkona sín, Magnea Guðmundsdóttir, væri varaformaður skipulagsráðs og að hann elskaði hana. Sló þetta bílstjórann eitthvað út af laginu. Halldór segir: „Síðan héldum við á ísskáp í grafarþögn.“