Hin skelegga og beitta blaðakona Þóra Kristín Ásgeirsdóttir hefur komið víða við á ferlinum, meðal annars á RÚV, Stundinni, Morgunblaðinu og Fréttatímanum þar sem hún var fréttastjóri. Nýverið tók Þóra við stöðu upplýsingafulltrúa hjá Íslenskri erfðagreiningu en hún skrifar enn þá pistla sem hitta í mark.

Yngri systir hennar er Ester Bíbí Ásgeirsdóttir, bassaleikari hinnar goðsagnakenndu rokksveitar Kolrössu Krókríðandi. Bandið naut mikilla vinsælda um miðjan tíunda áratuginn og gerði svo tilraun til að „meikaða“ erlendis sem Bellatrix og túraði til dæmis með Coldplay. Meðlimir Kolrössu komu nýverið saman eftir nærri tuttugu ára hlé. Ester starfar hjá Kvikmyndasafni Íslands.

Móðir Þóru og Esterar er Sigríður Jóhannesdóttir, fyrrverandi alþingismaður Alþýðubandalagsins og Samfylkingarinnar.