Svo virðist sem Íslendingar séu margir farnir að örvænta um að sumarið láti sjá sig í ár. Á Twitter krefst Baggalúturinn og sjónvarpsmaðurinn Bragi Valdimar þess að júlímánuður segi af sér. Þá birtir Svanhildur Hólm, aðstoðarmaður Bjarna Benediktssonar forsætisráðherra, mynd af hundblautum sólbekk.

Hún kallar verkið íslenska sumarið í hnotskurn: Pollur á sólbekk. Sú eina sem virðist hafa fundið sumarið, á Twitter að minnsta kosti, er fjölmiðlakonan Fanney Birna Jónsdóttir. Hún sendir fylgjendum sínum á Twitter sumarkveðju frá Þýskalandi.

Þar segir hún að sumarið sé ein löng hamingjuælupest áður en hún blessar það. Sem sagt, það er erfitt að finna íslenska sumarið á Twitter þessa dagana.