Hún er 42 ára og á von á sínu fyrsta barni á næsta ári.
Hér er um að ræða leikkonuna Evu Longoriu sem sló í gegn í þáttunum Desperate Housewifes á sínum tíma. Longoria og eiginmaður hennar, Jose Antonio Baston, eiga von á dreng í maímánuði næstkomandi. Þau gengu í hjónaband á síðasta ári og hafa verið saman í þrjú ár.
Talsmaður Evu Longoriu staðfesti tíðindin í samtali við ABC News.
