Útvarpsmaðurinn Hjörvar Hafliðason er forfallinn bílaáhugamaður. Á Twitter-síðu sinni ítrekaði hann þá spá sína að dauði dísilbílsins væri yfirvofandi og að rafmagnið myndi taka við. Vakti færslan talsverð viðbrögð.

Alþingismaðurinn Páll Magnússon blandaði sér í umræðurnar og sagði, væntanlega í hálfkæringi, að rafmagn á bíla væri misskilningur.

„Dísillinn víkur ekki fyrr en bílar verða kjarnorkuknúnir,“ sagði Páll.

Sjónvarpsmaðurinn Gísli Marteinn Baldursson réðst hins vegar gegn uppfinningunni sem slíkri. „Þið eruð að ofmeta þátt einkabílsins í framtíðinni.

Hann átti góða eina öld en er klunnalegur og óhentugur í borgarumhverfi og mun hverfa,“ sagði Gísli Marteinn.