Svo virðist sem Justin Bieber sé enn og aftur á lausu en nú greina helstu slúðurmiðla Vestanhafs frá því að ástarsamband hans og Sofiu Riche, sem er dóttir bandaríska tónlistarmannsins Lionel Riche, sé lokið.

Sögur af meintu ástarævintýri þeirra fóru á flug eftir að Bieber setti myndir af þeim á Instagram aðgang sinn í sumar.

Önnur fyrrverandi kærasta kappans, Selena Gomez, skrifaði ummæli við eina myndina, sem fór svo fyrir brjóstið á honum að hann lokaði aðganginum í kjölfarið.

En það sem Selena sem og aðdáendur kappans höfðu að segja um Instagram myndirnar sem og sambandið sjálft var gagnrýni á hversu ung Sofia, hún er ný orðin 18 ára.

Selena sakaði hann sömuleiðis um að hafa haldið framhjá sér, oftar en einu sinni.

Bieber sem er 22 ára hefur verið orðaður við þó nokkuð margar stúlkur og konur. Þar á meðal Kourtney Kardashian, sem er systir Kim Kardashian og komu þær systur saman til Íslands fyrr á árinu.

En þrátt fyrir að sambandi Sophiu og Bieber sé nú formlega lokið virðast þau sjálf ekki kippa sér mikið upp við það. Þau hafa ekki sést saman að undanförnu og hún fylgdi honum ekki til Íslands þar sem hann byrjaði tónleikaferð sína um Evrópu.

Samkvæmt heimildum slúðurpressunnar er Bieber því einhleypur í Evrópu.