Jewells Chambers er 39 ára og frá New York í Bandaríkjunum. Árið 2016 flutti hún til Reykjavíkur, hér hefur hún eignast kærasta, stofnað fyrirtæki og líður vel. Jewells heldur úti YouTube-rásinni All Things Iceland og samnefndu hlaðvarpi og Instagram-síðu.
Í myndbandi nýlega fjallar hún um þrjú atriði sem þykja eðlileg hérlendis en stórskrítin í Bandaríkjunum.
Fyrsta atriðið er að hækka hitann á ofnum heimilisins þegar kólnar á veturna, en opna svo út til að fá ferskt loft. Jewell segir Íslendinga vissulega hrifna af fersku lofti, en ódýrara sé að kynda hérlendis en víða erlendis.
Annað sem henni finnst skrítið, en á sama tíma skemmtilegt er að hér er fullkomlega eðlilegt að börn ávarpi fullorðna með fornafni. Sama ger fullorðnir. Hér séum við ekki að nota herra, frú eða slíka titla. Fólk sé heldur ekki titlað með starfstitlum sínum, eins og til dæmis doktor. Rifjar hún upp þegar hún tók viðtal við Guðna Th. Jóhannesson, þáverandi forseta Íslands, og furðaði sig mikið á því að hann væri einfaldlega kallaður Guðni.
Þriðja atriðið sem tengist fasteignaviðskiptum. Jewells hefur tvisvar keypt sér íbúð á Íslandi og segist alltaf jafn hissa á því að sami fasteignasalinn sjái um hagsmuni seljanda og kaupanda í viðskiptunum. Slíkt fyrirkomulag væri einfaldlega óhugsandi víða annars staðar, þar sem einn myndi sjá um hagsmuni seljanda og annar um hagsmuni kaupanda.
@allthingsiceland Weird in the US vs Normal in Iceland 🇮🇸 😅 There are much more than 3 things that I have noticed that might be considered weird in the US but are normal in Iceland. ✅ Would love to hear if any of these things are strange to you, depending on where you grew up. #iceland ♬ original sound – All Things Iceland – Jewells
