Slökkviliðsmaður frá New York vakti mikla athygli eftir að hann ákvað að ræða opinberlega um meint framhjáhald eiginkonu sinnar í eigin fertugsafmælisveislu. Samkvæmt erlendum fjölmiðlum hefur hann síðan þá sótt um skilnað.
Myndband af atvikinu hefur farið eins og eldur í sinu um samfélagsmiðla. Þar sést maðurinn, sem heitir Nick, halda ræðu fyrir framan gesti veislunnar, þar sem hann biður eiginkonu sína, Samönthu, að koma til sín. Í stað þess að fara með hefðbundna afmæliskveðju, sneri hann sér að eiginkonunni og sagðist vita um svik hennar.
Að sögn sjónarvotta kom atvikið flestum gestum í opna skjöldu og skapaðist óþægileg stemning í veislunni.
„Ég veit allt saman tíkin þín,“ sagði hann.
Horfðu á myndbandið hér að neðan.
@cancelthispod New Jersey Firefighter exposes cheating wife at birthday party #NJ #firefighter #cheating ♬ original sound – CANCEL THIS PODCAST
Hann spurði hvernig hún gat „gert börnunum okkar þetta.“ Þau eiga saman tvö börn.
Vinur fjölskyldunnar sagði í samtali við New York Post að það væri óheppilegt að myndbandið hafi farið á svona mikla dreifingu um netheima, þar sem börnin þeirra munu sjá það einn daginn.
