Í fjórða þætti Tveggja kalla í umsjón Þorsteins V. Einarssonar og Hauks Bragasonar ræddu þeir heilsu karla og týndu til niðurstöður nokkurra rannsókna. Þá fóru þeir yfir áskoranir karla og hvað gæti aukið heilsu og lífsgæði karla.
Nefna þeir að á Íslandi árið 2022 voru 85% sjálfsvíga karlar, karlar í karllægum starfsstéttum séu í aukinni áhættu á kulnun, geðrænum vandamálum og einangrun og að karlar leiti sér ekki aðstoðar nema ef heilsuleysið hindri atvinnuþátttöku þeirra og möguleikum til að sjá fyrir fjölskyldunni sinni.
Þorsteinn segist hafa byrjað umfjöllun sína um karlmennsku á Instagram og í hlaðvarpi til að hafa áhrif á heilsu og lífsgæði karla. „Nú þyki ég umdeildur en þetta er ein megin ástæða þess að ég byrjaði að fjalla um karlmennskuhugmyndir. Það er til að auka lífsgæði og heilsu karla“, segir Þorsteinn og segir óskiljanlegt að karlar taki tækifærinu til breyttra karlmennskuhugmynda ekki fagnandi. „Rótin er karlmennskan, hún er versti óvinur heilsu og lífsgæða karla“.
Þátturinn í heild er aðgengilegur hér fyrir neðan:
