Ástralski arkitektinn Bianca Censori er stödd á Spáni ásamt eiginmanni sínum, rapparanum Kanye West. Hún er hvað þekktust fyrir mjög djarfan klæðnað sem skilur lítið sem ekkert fyrir ímyndunaraflið og hélt sínu striki á Spáni.
Hún klæddist netabol – og engu undir – og pilsi sem var sítt að framan en mjög stutt að aftan. Fólk hefur óskað eftir viðbrögðum lögreglu og að Bianca verði handtekin fyrir ósiðlæti á almannafæri.
Næstum tvö ár eru liðin síðan hún gerði allt vitlaust á götum Ítalíu, en þá vildi fólk einnig að hún yrði handtekin vegna ósiðlætis.
Bianca Censori in spain walking out of Tony Mora pic.twitter.com/H967bqyYjq
— Global𝕏 (@GlobaltrekX) May 18, 2025
Myndir af hjónunum, ásamt systur Biöncu, Angelinu, hafa verið í dreifingu um netmiðla og ræddi News.com.au við vitni sem voru á staðnum.
„Fólk var í áfalli. Maður heyrði suma segja: „Eru þetta alvöru geirvörturnar hennar?“ á meðan þeir gengu framhjá,“ sagði vitnið.
Fólk hefur gagnrýnt klæðaburð hennar á samfélagsmiðlum og spurt af hverju hún hafi ekki verið handtekin.
„Svo mikil vanvirðing gagnvart þjóðinni og gildum hennar,“ sagði einn netverji.
„Hvernig kemst hún upp með alla þessa nekt? Ef einhver annar – ekki frægur einstaklingur – myndi gera þetta, yrði hann handtekinn,“ sagði annar.
