Sálfræðingurinn og líkamsræktardrottningin Ragnhildur Þórðarsdóttir, betur þekkt sem Ragga Nagli, hefur mikinn húmor fyrir sjálfri sér eins og sést glöggt á nýjustu Facebook-færslu hennar. Ragga greinir frá því að hún hafi verið að njóta kvölds með einum af sínum kærustu vinum, ljósmyndaranum og íhlaupa útvarpsmanninum Helga Ómars, þegar að erfið spurning reið yfir. Ragga lýsir atburðarásinni á þessa leið:

„Það er ákveðinn skellur þegar 44 ára kona hangir með 33 ára gömlum besta vini sínum og ung stúlka sem hann þekkir spyr: „Helgi, er þetta mamma þín?” Er hann svona unglegur eða Naglinn ellileg? Ræðið,” segir Ragga.

Niðurstöður lágu ekki fyrir þegar þessi orð voru skrifuð en almennt virtust þó flestir á því að Helgi Ómars væri yfirgengilega unglegur!