Dísa á líkamsræktarveldið World Class með eiginmanni sínum, Birni Leifssyni. Saman eiga þau tvö börn, áhrifavaldinn og markaðsstjórann Birgittu Líf og Björn Boða, sem er nú búsettur í New York.
Bæði Birgitta Líf og Björn Boði óskuðu móður sinni til hamingju með 63 ára afmælið á samfélagsmiðlum.
Dísa virðist hafa átt ljúfan afmælisdag en hún er stödd á Spáni ásamt fjölskyldunni. Birgitta Líf birti mynd af móður sinni í gær í hlébarðakjól, standandi við sundlaugarbakka.
„Besta mamma og heimsins besta amma er afmælisdrottning dagsins,“ sagði hún og bætti við að hún væri „smá fatlafól.“ En Dísa virtist hafa vera slösuð og bar vinstri handlegginn í fatla.
Það var að sjálfsögðu skálað og borðað köku. Fjölskyldan sló á létta strengi og hafði töluna 36 á kökunni, í stað 63. Enda Dísa ung í anda.
Fókus óskar World Class-drottningunni innilega til hamingju með daginn.
