Hulda Fríða Berndsen er 73 ára eig­in­kona, móðir, amma og langamma. Hún er líka upp­komið barn alkó­hólista og þekkir sjúk­dóm­inn frá mörg­um hliðum. Hún hélt að all­ir alkó­hólist­ar væru eins og pabbi henn­ar en komst að raun um að svo er ekki. Hulda Fríða er gest­ur Tinnu Bark­ar­dótt­ur í hlaðvarp­inu Sterk sam­an.

Mika­el Torfa­son rit­höf­und­ur og blaðamaður er son­ur Huldu Fríðu. Hann skrifaði um líf fjöl­skyld­unn­ar í bók­un­um Bréf til mömmu, Synda­fall­inu og Týnd í para­dís. Þar kem­ur fram að Hulda Fríða hafi al­ist upp við erfiðar aðstæður hjá for­eldr­um sín­um og systkin­um.
„Ég var fyrst yngst af fjór­um og síðan elst af þrem­ur,“ seg­ir Hulda Fríða.

Faðir henn­ar var mjög veik­ur af alkó­hól­isma og yf­ir­tók það heim­il­is­lífið, æsk­una og hef­ur litað allt henn­ar líf. „Pabbi drakk inni í stofu og oft feng­um við ekki að fara þangað inn í tvær vik­ur í senn. Hann var samt aldrei vond­ur eða of­beld­is­full­ur,“ seg­ir Hulda Fríða.

Felu­leik­ur drykkj­unn­ar

Að henn­ar sögn var aldrei talað um hvað væri að föður henn­ar, hann var bara veik­ur en felu­leik­ur­inn alla tíð mik­ill.

„Ég var ung far­in að biðja fyr­ir hon­um og var eina barnið sem fór með á trú­ar­viðburði í söfnuði þar sem Guð átti að taka frá hon­um þessi veik­indi, ég ætlaði sko ekki að missa af því, þegar pabbi myndi lækn­ast.“

Missti föður sinn 15 ára

Hulda Fríða var 15 ára þegar hún missti pabba sinn. Hún kynnt­ist fyrri eig­in­manni sín­um og barns­föður, Torfa Geir­munds­syni, þegar hún var korn­ung. Hulda Fríða seg­ir að hann hafi verið allt öðru­vísi alkóhólisti en faðir henn­ar og ját­ar að hún hafi verið lengi að kveikja á því.

„Ég hélt að all­ir alkó­hólist­ar væru eins og pabbi en það kom í ljós að svo var ekki. Hann gerðist líka Vott­ur Jéhóva og ég ákvað að fara með í það tveim­ur árum síðar,“ seg­ir hún.

Fixaði sig á trú­ar­brögðum

„Ég hef reynt að fixa mig á trú­ar­brögðum,“ seg­ir hún en seinna átti hún eft­ir að skilja við Torfa og seg­ir að það hafi þótt mik­il synd hjá Vott­un­um.

„Dótt­ir mín kom líka úr úr skápn­um sem sam­kyn­hneigð og þá var okk­ur end­an­lega út­skúfað,“ seg­ir Hulda hlæj­andi og bæt­ir við að hún hafi lært margt um sjálfa sig og aðra á sín­um tíma.

Í dag hef­ur Hulda unnið gríðarlega sjálfs­vinnu og seg­ir þá vinnu hafa bjargað sér. Hún er ham­ingju­sam­lega gift Villa, eða Villa meiri­hátt­ar, eins og hún kall­ar hann oft­ast á fé­lags­miðlum.

Hlustaðu á þáttinn hér að neðan.