Fóbía eða afmörkuð fælni er algengasta kvíðaröskunin sem felur í sér mikinn, órökréttan ótta við ýmis fyrirbæri.
Flo heldur úti síðunum Florahsrecovery á samfélagsmiðlum og deilir bataferlinu og baráttunni við kerfið, en hennar fyrrverandi hefur aldrei þurft að sitja inni fyrir brotin gegn henni.
Hún á enn erfitt með að fara í sturtu en er hægt og rólega að reyna að vinna bug á hræðslunni.
@florahsrecoveryy Yay me 🥰 #fyp #trauma #waterboarding ♬ Gentle and warm background piano(1262846) – Noru
Flo slapp úr ofbeldissambandinu fyrir nokkrum árum en bataferlið hefur verið langt og strangt. Með því að gera þetta í skrefum er hún komin á þann stað að hún getur þrifið hárið sitt við baðkarsbrúnina án þess að endurupplifa áfallið (e. flashback).
„En markmiðið er að geta farið í almennilega sturtu,“ segir hún.
Fyrrverandi kærasti Flo var vanur að nota sturtuna til að pynta hana. Vatnspyntingar (e. water boarding) er pyntingaraðferð þar sem manneskja er bundin niður og handklæði sett yfir andlit viðkomandi og vatni hellt yfir sem veldur drukknunartilfinningu.
Flo er ekki hrædd við að fara í bað, bara sturtu. „Ég er ekki hrædd við vatn, ég er með fóbíu fyrir sturtu því það tengist því sem ég gekk í gegnum.“
Flo hefur unnið í batanum með aðstoð sálfræðinga og farið í mismunandi áfallameðferðir.
Í myndbandinu hér að neðan svarar hún alls konar spurningum netverja.
@florahsrecoveryy Most asked questions part 2 – you guys have one more video to get your questions in so i can pin it to the top so say now or forever hold your peace 😂 #fyp #trauma #waterboarding ♬ Gentle and warm background piano(1262846) – Noru
Fyrrverandi kærasti hennar og barnsfaðir hefur ekki verið dæmdur fyrir vatnspyntingarnar því þegar Flo kærði var brotið fyrnt.
En hún hefur lagt fram aðrar kærur gegn honum vegna nauðgana og áreitis. Það mál er enn í gangi í dag.
@florahsrecoveryy The final part. Please see part 1&2 for more answers pinned at the top. Any other questions please ask & ill either answer seperately or think of another creative way to answer it all. PS its hair dye. #fyp #trauma #waterboarding ♬ Gentle and warm background piano(1262846) – Noru
