Þann 14. mars síðastliðinn opinberaði Meghan Markle nafn nýs lífstílsmerkis hennar American Riviera Orchard með myndbandi á Instagram. Vörumerkið mun ná yfir fjölbreytt vöruúrval: hnífapör, matreiðslubækur og rafrænar matreiðslubækur, kaffi, sultuhlaup, smjör og fleira. Það nær einnig til verslunar þar sem til sölu verður borðbúnaður, sultur, dúkar og matreiðslubækur. Vörumerkið mun einbeita sér að heimilinu, garðinum, mat og almennum lífsstílsvörum.
Í vikunni sendi Markle síðan frá sér fyrstu vöruna og það ekki flókna, jarðarberjasultu. Varan fór þó ekki í verslanir heldur útbjó hún 50 krukkur og númeraði þær frá 1 til 50 og sendi til 50 vina sinna. Svo virðist þó sem fyrsta varan og markaðssetning hennar, svokallað soft launch hafi floppað algjörlega og gera gárungarnir góðlátlegt grín að Markle.
Í gær sagði Nick Ede vörumerkjasérfræðingur að Markle hefði líklega gert sultuna sjálf og gefið vinum sínum hana sem „persónulega gjöf„ með því markmiði að vekja athygli á nýja lífstílsmerkinu. Formlega kynning á vörumerki hennar American Riviera Orchard (ARO) er fyrirhuguð síðar í vor með ýmsum hlutum.
Ede telur að stefna Markle sé „að leggja áherslu á vörumerkið frekar en Meghan“ þar sem hún reynir að fá fólk til að „kaupa inn í ARO lífsstílinn ekki bara sitt eigið persónulega vörumerki“. Ede segir að skortur á upplýsingum um sultu Meghan og engin leið til að kaupa hana enn sem komið er „gæti þó verið pirrandi fyrir hugsanlega kaupendur og aðdáendur sem vilja vita meira“. Að búa til einstakar númeraðar sultukrukkur sem sendar voru til valins hóps áhrifamikils fólks er nákvæmlega það sem ég hélt að Meghan myndi gera,“ segir Ede.
„Það er ekki vitað hversu mikið sultan mun kosta og hvort hún fari jafnvel í fjöldaframleiðslu en sem leið til að vekja áhuga er það líka að undirstrika vörumerkið frekar en Meghan, sem verður stefna hennar. Hugmyndin um að hún hafi aðeins sent það til 50 manns sýnir að birgðir eru takmarkaðar og skapar eftirspurn og áhuga. Sem kynning er hún lágstemmd en í samræmi við nýja mýkri, heimilislega nálgun þeirra hjóna á orðstírsstöðu þeirra og lífsstíl. Að senda vöruna sína til áhrifamanna er frábær leið til að koma vörumerkinu á framfæri. Það gerir Meghan kleift að skapa umtal á samfélagsmiðlum og einnig fyrir aðdáendur að sjá innsýn í lífsstíl fólksins sem hún hefur sent sultuna til. Það skapar líka forvitni um hver hefur verið svo heppinn að fá sultuna. Ég er viss um að Meghan mun hafa hugsað lengi og vel um hverjum hún ætti að senda fyrstu vöruna sína.“
Í síðustu viku sýndi einkarekin könnun DailyMail.com að 68 prósent Bandaríkjamanna höfðu ekki áhuga á American Riviera Orchard. Úrtakið er að vísu ekki stórt, en sýnir þó að að áhuginn er lítill meðal þeirra sem svöruðu.
En þó sérfræðingnum Ede hafi litist vel á aðferð Markle til að kynna fyrstu vöruna og vörumerkið, þá virðist kynningin hafa floppað algjörlega. Ætla má að viðtakendurnir 50 hafi móttekið sultukrukkuna sína, en aðeins þrír þeirra hafa birt færslu þar um á samfélagsmiðlum og það þeir þrír sem líklega eru minnst þekktir af þessum 50.
Í frétt DailyMail er því velt upp hver ástæðan sé. Hvort viðkomandi skammist sín fyrir sendinguna? Sé ekki hrifinn af sultunni? Eru þeir kannski á Ozempic?
Eða ef til vill finnst þeim, eins og venjulegu fólki alls staðar, tímasetningin á kynningu Meghan meira óviðeigandi en vanalega, í ljósi þess að Katrín prinsessa af Wales og Karl Bretakonungur eru bæði í krabbameinsmeðferð.
Engin nema Markle sjálf veit hverjir hinir heppnu 50 eru, en á meðan breskir miðlar velta vöngum yfir því, hafa þeir þó þegar gert grín að henni fyrir að handskrifa á miðana og líma á krukkurnar, eins og um sé að ræða ómetanleg listaverk (sem hún telur sultuna augljóslega vera, segir í frétt DailyMail) og að sjá má á færslum þeirra þriggja sem póstað hafa mynd af gjöfinni að límmiðarnir eru þegar að losna af krukkunum.
Og sérfræðingar eru í dag á öðru máli en Ede í gær, segja þeir að mjúk byrjunarherferð (e. Soft launch) Markle sé „furðuleg stefna“ sem skortir „áreiðanleika“ – og hún verður að „víkka út útbreiðslu sína.“
Hver ætli hafi fengið krukku númer eitt? Erlendir miðlar eru á að það sé spjallþáttadrottningin og nágranni hjónanna, sjálf Oprah.
