Andlát Leone er rannsakað sem morð samkvæmt umboðsskrifstofu hennar. Að sögn talsmanns skrifstofunnar var brotist inn í hús Leone, þar sem innbrotsþjófarnir réðust á hana með þeim afleiðingum að hún lést.
Hún fannst meðvitundarlaus á heimili sínu í Nýju Mexíkó í byrjun mars.
Ein af síðustu færslunum sem hún birti á samfélagsmiðlum hefur verið dregin aftur fram í sviðsljósið í kjölfar fregna um fráfall hennar. Þetta voru einnig síðustu skilaboð hennar til aðdáenda, en allir mættu taka þau til sín.
„Farðu út og njóttu lífsins aðeins meira í dag,“ skrifaði hún með mynd af sér setja upp friðarmerkið.
View this post on Instagram
„Við erum miður okkar yfir skyndilegu fráfalli hinnar ástkæru Sophia Leone. Falleg sál sem snerti mörg okkar,“ kom fram í yfirlýsingu frá umboðskrifstofu hennar, 101 Modelling.
„Sorglegur dagur að komast að því að Sophia Leone sé farin frá okkur. Ég elska þig. Þú kenndir mér svo mikið þegar ég byrjaði í bransanum,“ sagði klámstjarnan Riley Kay Carlson á X.
