Samfélagsmiðlastjarnan Mia Dio nýtur mikilla vinsælda á Instagram og TikTok. Hún segist reglulega fá athugasemdir á borð við: „Þú ert svo falleg“, „Guð á sér greinilega uppáhald“ og „af hverju lít ég ekki út eins og þú?“
Mia segir að fegurð hennar sé langt frá því að vera náttúruleg. Hún vill vekja athygli ungra kvenna á því að samfélagsmiðlar eru „feik“ og að trúa ekki öllu sem þær sjá á netinu.
Til að byrja með gekkst Mia undir fegrunaraðgerð á nefi þegar hún var sautján ára og kostaði það tæplega 700 þúsund krónur.
Þegar hún var nítján ára fékk hún sér skelkrónur á tennurnar, það kostaði 760 þúsund.
Þegar hún var tvítug fór hún í brjóstastækkun sem kostaði 970 þúsund krónur.
Mia fer til einkaþjálfara til að halda sér í formi og borgar hún fyrir það 276 þúsund krónur á mánuði.
Hún fer einnig reglulega til lýtalæknis til að fá bótox, fylliefni og annars konar minniháttar aðgerðir og borgar um 1,1 milljón á ári fyrir það.
Hún flýgur einnig reglulega til Miami til að fara í litun og klippingu, það er um 55 þúsund fyrir hvert skipti.
„Samfélagsmiðlar eru feik,“ skrifaði hún með myndbandinu, sem þú getur horft á hér að neðan.
Prófaðu að endurhlaða síðuna ef þú sérð það ekki.
View this post on Instagram
Hreinskilni Miu hefur slegið í gegn hjá netverjum.
„Ég elska þetta, ég vildi óska þess að fleiri áhrifavaldar og stjörnur væru svona opnar með þetta,“ sagði einn netverji.
