Dagur B. Eggertsson borgarstjóri byrjar fimmtudagsmorgun á léttum og ljúfum nótum í færslu sinni á Facebook.

Póstar hann myndbandi af skautadrottningu sem sýnir listir sínar á Tjörninni.

„Ekki veit ég hvað þessi dásamlega skautadrottning heitir. En hún kemur stundum snemma morguns, dansar og svífur um Tjörnina á móti morgunsólinni og hverfur svo, (væntanlega) til daglegra starfa. Og í þetta sinn sá hún mig og veifaði mér. Svona byrjaði minn fimmtudagsmorgun í ráðhúsinu við Tjörnina.“

Fjöldi manns hefur líkað við og tjáð sig um myndbandið. „Dásamlegt upphaf dags sem gefur fallegan tón inn í daginn,“ skrifar ein. Ekki er vitað hver skautadrottningin er eða hvað hún heitir.