Hjónin Sue og Noel Radford giftu sig í september árið 1992. Hjónin sem búsett eru í Morecambe í Lancashire í Bretlandi, hafa síðan séð um að auka við mannkynið en þau eiga 22 börn á aldrinum tveggja til 33 ára. Næsta kynslóð, ömmubörnin, eru svo orðin 14 talsins. 

Sue varð nokkuð þekkt í Bretlandi fyrir að koma fram í raunveruleikasjónvarpsþættinum 22 Kids & Counting. Þannig eignaðist hún fylgjendur á samfélagsmiðlum þar sem hún deilir fréttum af daglegu lífi stóru fjölskyldunnar. 

Nýlega sýndi Sue frá fríi hennar og eiginmannsins til Dubai sem var afmælisferð. Í myndböndu sem Sue deilir frá ferðinni má sjá að þau fóru meðal annars í úlfaldaferð, keyrðu um eyðimerkursandanna og heimsóttu Burj Khalifa, hæsta turn heims. 

Flestum þætti sem hér væri bara um að ræða skemmtilegt frí sem samfélagsmiðlannotandi deilir með vinum sínum og fylgjendum, en myndböndin og fríið er bara það nýjasta í langri röð fría sem Sue sætir gagnrýni netverja fyrir. 

Í síðasta mánuði nutu þau „dásamlegrar helgar“ í húsbílnum sínum aðeins nokkrum vikum eftir glæsilega ferð til Flórída. Ferðin til Flórída var átjánda ferðalagið þeirra á 20 mánuðum. Áætlar Sue að þau hafi eytt 60 þúsund pundum eða sem samsvarar rúmum 10 milljónum króna í þriggja fríi í Florída.

Í myndbandi sem Sue deildi á samfélagsmiðla sagði hún að dagskráin hefði verið full hjá fjölskyldunni eftir að þau komu heim frá Flórísa, því var nauðsynlegt að skella sér í helgarfrí á húsbílnum. Í myndbandinu kom einnig fram að fjölskyldan væri þegar byrjuð að skipuleggja næstu ferð á húsbílnum sem fara átti fyrir miðjan október.