Bandaríska söngkonan Britney Spears var stöðvuð af lögreglu þann 10. september síðastliðinn og kom í ljós að söngkonan var án ökuréttinda, samkvæmt réttargögnum sem Page Six hefur aflað.

Samkvæmt dómsgögnum var Britney ekki með gilt ökuskírteini meðferðis og einnig færði hún ekki sönnur á að ökutækið væri tryggt, býður hennar sekt upp á 1140 dali fyrir. Lögfræðingur hennar, Mathew Rosengart segir að þetta sé ekki rétt, söngkonan hafi bæði verið með ökuréttindi og tryggingu og líkir atvikinu við að hún hefði fengið stöðubrot. Hún hafi fengið ökuréttindi sín tilbaka eftir að hafa endurheimt sjálfræði sitt nokkrum mánuðum áður en eftirliti lögráðamanns með henni af aflétt í nóvember 2021.

Málið er fyrir dómi 24. október næstkomandi, sama dag og ævisaga hennar, The Woman In Me, kemur út. Hins vegar mun söngkonan ekki þurfa að mæta fyrir réttinn og getur einfaldlega gert sektina upp á netinu.

Bókarinnar er beðið með mikilli eftirvæntingu, en heimildamaður greindi PageSix frá því í síðasta mánuði að Britney hefði lítinn áhuga á að veita nein viðtöl vegna bókarinnar.

Atvikið sem hér um ræðir átti sér stað áður en umdeildur hnífadans Britney átti sér stað og útkall lögreglu á heimili hennar vegna atviksins. Lögreglan fór í svokallaða „velferðar-athugun“ eða wellness check eins og það heitir í Bandaríkjunum, sem felst í því að lögreglumenn fara á viðkomandi heimili, banka upp og staðfesta að viðkomandi einstaklingur sé ekki í hættu frá sjálfum sér og/eða öðrum.

„Einhver nákominn Britney hafði séð myndbandið birt á samfélagsmiðlum, þar sem hún dansar og snýst um með hnífa í höndunum, og þeir höfðu miklar áhyggjur af andlegri líðan hennar,“ sagði fulltrúi lögreglu um atvikið.

Sjá einnig: Hættulegur dans Britney á Instagram vakti ótta og lögreglan send að heimili hennar

Sjá einnig: Britney brjáluð út af afskiptum lögreglu af hnífadansinum – „Nú er nóg komið“