Sólbjört Sigurðardóttir, dansari, flugfreyja og leiklistarnemi, og Einar Stefánsson, markaðs- og kynningarstjóri Píeta-samtakanna, trommari hljómsveitarinnar Hatara og gítarleikari hljómsveitarinnar Vök, giftu sig núna um helgina í Vestmannaeyjum. Veislan var haldin í Alþýðuhúsinu og má sjá að mikið stuð var í veislunni.
Hjónin hafa unnið saman í hljómsveitinni Hatara og voru hluti af hópnum sem tók þátt fyrir hönd Íslands í Eurovision söngvakeppninni í Ísrael árið 2019. Parið trúlofaði sig á Valentínusardaginn árið 2022 og eiga þau saman dótturina Ylfu Björk.
