Þórdís Imsland og Sigurjón Örn Böðvarsson eignuðust dóttur 4. júlí, en fyrir eiga þau soninn Óðinn Örn tveggja ára.
„Við áttum draumafæðingu í Björkinni, umvafin yndislegum ljósmæðrum sem við erum endalaust þakklát fyrir. Óðinn var mjög spenntur að sjá litlu systur daginn eftir og var hann tilbúinn að gefa henni snuðið sitt sem er honum afar kært og einnig slatta af grjóti sem hann týndi hér og þar á Kársnesinu. Við erum yfir okkur ástfangin af þessari litlu stúlku sem við hlökkum til að kynnast betur,“ segir Þórdís í færslu á Instagram.
View this post on Instagram
Fyrir þremur árum tóku Þórdís og Sigurjón Örn að eignast barn saman sem vinir en ekki par. Bæði voru tilbúin að verða foreldrar, en hvorugt hafði fundið rétta makann. Voru þau opinská með þessa ákvörðun sína, meðgönguna og fæðinguna.
