Svona hefst bréf 28 ára konu til sambands- og kynlífsráðgjafa The Sun, Dear Deidre.
Hún vinnur í banka og hefur undanfarið ár verið að halda við giftan yfirmann sinn, sem er 36 ára.
„Kynlífið okkar er frábært og okkur kemur mjög vel saman, en ég veit að ég er að sóa tíma mínum,“ segir hún.
„Hann er í íbúð í borginni á virkum dögum en fer til fjölskyldu sinnar um helgar, en eiginkona hans vill ekki flytja í borgina […] Hann elskar ekki eiginkonu sína en mun aldrei fara frá henni því þau eiga saman ellefu ára dóttur.“
Konan hefur reynt að slíta sambandinu. „Fyrst þegar ég reyndi þá veitti hann mér stöðuhækkun. Seinna skiptið þá planaði hann helgarferð fyrir mig og vinkonur mínar í spa og í þriðja skipti setti hann mig á leigubílareikning fyrirtækisins.“
Það er annar maður í spilinu. „Það er annar maður í vinnunni sem hefur áhuga á mér. Hann er 29 ára og við höfum farið á nokkur stefnumót. Hann er sætur og vill láta reyna á samband með mér. Hvorn ætti ég að velja?“
„Þú veist að ég mun aldrei ráðleggja þér: „Veldu gifta elskhugann.“ Sá maður er ekki í boði. Þú ert þegar búin að átta þig á því að hann sé ekki að fara frá eiginkonu sinni, þannig þetta samband er dautt. Vinnufríðindin borga sig ekki og þú ættir að slíta þessu,“ segir hún.
„Gefðu þér sjálfri rými til að finna út hvað þig langar að gera, ekki drífa þig í annað samband.“
