Hönnunarhjónin Haf­steinn Júlí­us­son og Ka­ritas Sveins­dótt­ir, sem eiga og reka HAF STUDIO og HAF STORE hafa sett glæsi­legt einbýlishús sitt við Laufásveg 25 á sölu. Húsið er sögufrægt hús í hjarta miðbæjarins, 199 fm hús á tveimur hæðum með geymslulofti og bílskúr. Húsið var byggt árið 1916 af Ein­ari Arn­órs­syni ráðherra. Nóbelsskáldið Hall­dór Lax­ness bjó í húsinu á ár­un­um 1930-1939 en á þeim árum skrifaði hann Heims­ljós, Sölku Völku og Sjálf­stætt fólk. 

Á fyrstu hæð er forstofa, hol, rúmgóðar stofur, borðstofa og eldhús. Tveir inngangar eru á aðalhæðinni, aðalinngangur en einnig inngangur þar sem komið er beint inn úr bakgarði í eldhúsið, Þingholtsstrætis megin. Á efri hæðinni er svefnherbergisgangur, þrjú svefnherbergi og baðherbergi með tengi fyrir þvottavél og þurrkara. Einnig eru rúmgóðar svalir á hæðinni, til norðurs og einkar gott geymsluloft. Bílskúr er á lóð með aðgengi frá Þingholtsstræti, er hann skráður 25,6 fm. 

Hjón­in hönnuðu all­ar inn­rétt­ing­ar í húsið og í eldhúsinu eru eikarfrontar frá HAF STUDIO á eldhúsinnréttingunni. Einstakur ítalskur marmari er á borðum og á vegg við eldavél. Í hús­inu eru skrautlist­ar og ró­sett­ur.

Nánari upplýsingar um eignina má finna hér.