Sjöfn Þórðardóttir, sem sá um sjónvarpsþáttinn Matur og heimili á Hringbraut hefur hafið störf hjá Morgunblaðinu, þar sem hún mun hafa umsjón með matarvef Mbl.is.
„Ég er full tilhlökkunar að koma til starfa á öflugasta miðli landsins og halda áfram að þróa og byggja upp þann kröftuga og góða grunn sem fyrir er á Morgunblaðinu í tengslum við matarvef mbl.is. Þessu fylgir tilhlökkun og eftirvænting að fá að starfa áfram á þeim vettvangi sem ég brenn fyrir og þar sem ástríðan mín liggur, og að gera enn betur,“ segir Sjöfn.
Sjöfn er grunnskólakennari að mennt og hefur síðustu 30 ár starfað í fjölmiðlum, verið verkefnastjóri og almannatengill eins og segir í frétt Mbl.
