Heimildarmaður miðilsins People segir að ekkert sé hæft í því að Jada Pinkett Smith hafi átt upptekin að deilum við grínistann Chris Rock. Þetta kemur í kjölfar þess að Chris Rock sagði í nýjasta uppistandsþætti sínum (e. special) að Jada hafi kallað það yfir sig að hann gerði grín að henni á Óskarsverðlaunahátíðinni á síðasta ári.
Sjá einnig:Chris Rock lét loksins allt flakka eftir löðrunginn fræga og hjólaði í Jada Pinkett Smith
Eins og flestir muna varð brandarinn, þar sem Chris Rock gerði grín að Jada fyrir að vera sköllótt, til þess að eiginmaður Jada, Will Smith, kom upp á svið og löðrungaði hann.
Chris sagði í uppistandi sínu um helgina að Jada hafi sagt honum að hann ætti ekki að vera kynnir á Óskarsverðlaunahátíðinni 2016 þar sem eiginmaður hennar hefði ekki fengið tilnefningu. Þar með hafi Jada í raun kallað yfir sig brandarann fræga.
„Ég gerði nokkra brandara um hana. Hverjum er ekki sama? Svona virkar þetta: Hún á upptekin og ég lýk þessu,“ sagði Rock. „Það er nákvæmlega það sem gerðist. Enginn er að leggja þessa tík í einelti. Hún átti upptekin. Enginn var að stríða henni.“
Heimildarmaður People sem er sagður náinn Jada sagði að ekkert væri hæft í því að leikkonan hafi reynt að fá Chris til að hætta við að vera kynnir á Óskarnum forðum. Í reynd sé það Chris Rock sem hafi hreinlega verið með Jada á heilanum.
„Chris er með hana á heilanum og það hefur verið í gangi í næstum þrjátíu ár. Sjáið bara hvar hann ákvað að taka uppistandið sitt upp, í heimabæ hennar, Baltimore. Hann er með þráhyggju.“
Líklega hafi Chris bara ákveðið að túlka það með sínum eigin hætti þegar Jada hvatt til sniðgöngu á Óskarsverðlaunahátíðinni árið 2016 því það væri svo lítið um tilnefningar á svörtu fólki, en Jada stofnaði til hreyfingar undir myllumerkinu #OscarsSoWhite.
„Hún bað Chris aldrei um að vera ekki kynnir á hátíðinni. Hún sagði opinberlega á Facebook á sínum tíma að Chris yrði frábær kynnir og hann væri fullkominn í verkefnið“
Heimildarmaðurinn lýsti líka furðu sinni á því hversu oft Chris kallaði Jada tík í uppistandinu sínu.
Engu að síður sé Jada ekkert að kippa sér upp við þessi skot úr uppistandinu. Hún horfi fram á við og sé að einbeita sér að bók sem hún er að gefa út síðar á þessu ári.
