Lauren Westerman, eiginkona enska ruðningsleikmannsins Joe Westerman, opnar sig um hvernig kynlífsmyndband hans eyðilagði fjölskyldu þeirra.

Um helgina fór myndband af Joe og annarri konu í dreifingu á Twitter. Í myndbandinu var hann með buxurnar á hælunum og konan nakin að neðan, þau voru í miðri kynlífsathöfn þegar þau sáu að einhver var að taka þau upp. Myndbandið er aðeins sjö sekúndur að lengd en nógu langt til að tortíma fjölskyldu.

Lauren Westerman, 33 ára, segir í einkaviðtali við The Sun að myndbandið hafi eyðilagt fjölskyldu þeirra og að börnin þeirra þrjú séu miður sín. Tvö eldri börnin, sem eru 9 og 14 ára, hafa séð myndbandið eftir að aðrir krakkar úr skólanum þeirra sendu þeim það á Snapchat.

Lauren óttast að þetta muni sitja í þeim alla tíð. „Fólk leit upp til Joe, hann var fyrirmynd. En ekki lengur,“ segir hún.

Fimmtán tíma fyllerí

Hún segir að martröðin hafi byrjað þegar Joe fór á fimmtán klukkustunda fyllerí um helgina. Á meðan á því stóð var tekið upp myndband af honum og konu í kynlífsathöfnum í húsasundi. Konan starfaði sem fasteignasali þar til í gær, en henni var sagt upp eftir að myndbandið fór í dreifingu um netheima.

Lauren segir að hún hefur fengið aragrúa af skilaboðum og afsökunarbeiðnum frá eiginmanni sínum en að það sé engin leið fyrir þau að halda áfram eftir þetta.

„Ég hef þurft að endurupplifa þetta myndband aftur og aftur. Þetta er eitthvað sem ég mun aldrei gleyma, sama hversu mikið ég reyni. Það er engin afsökun fyrir því sem hann gerði. Hann gerði ekki bara mér þetta, heldur einnig börnunum okkar og stórfjölskyldunni,“ segir hún.

Myndi aldrei vilja kyssa hann aftur

Myndbandið fór í gríðarlega dreifingu á Twitter og í hvert skipti sem því var eytt út af miðlinum var því deilt aftur.

Lauren segir að hún sé miður sín yfir að börnin hennar hafi séð myndbandið en að hún sé fegin að hún hafi séð það því hún er viss um að hann hefði aldrei sagt henni frá því ef það hefði ekki ratað á samfélagsmiðla. „Ég er glöð að ég fann myndbandið því tilhugsunin um að kyssa hann eftir þetta lætur mér líða ógeðslega,“ segir hún.

Hjónin giftust árið 2014 en samkvæmt Lauren er skilnaður yfirvofandi. Hún hefur hent honum út af fjölskylduheimilinu.

„Ég hef enga aðra kosta völ en að vera sterk,“ segir hún.

Hægt er að lesa viðtalið við Lauren á The Sun.