fbpx
Fimmtudagur 12.desember 2024
Fókus

Er lausnin á skalla loksins fundin?

Guðrún Gyða Eyþórs Árnadóttir
Föstudaginn 13. janúar 2023 22:00

Skyldu frægustu bræður heims hafa sótt í sykrað gos?

Ekki missa af Helstu tíðindum dagsins í pósthólfið þitt

Lesa nánar

Um 80% allra karlmanna verður fyrir einhverjum hármissi, sérstaklega eftir fertug. Þar af er hármissirinn töluvert eða mjög mikill hjá helmingi þeirra. 

Fjöldi rannsókna hefur sýnt fram á hversu skalli er mikið áhyggjuefni hjá karlmönnum og getur valdið lágu sjálfsmati og kvíða. 

Mynd/Getty

 

Skalli er ávallt í þremur efstu sætum í rannsóknum um helstu kvíðavalda karlmanna, ásamt heilabilun og getuleysi. Í sumum rannsóknum er hármissir meira að segja ofar hinu tvennu síðarnefnda.

Ekki bara erfðir

Það er til fjöldi kenninga um orsök skalla þótt að oftast sé litið til erfðaþátta, sérstaklega tíðni skalla í móðurætt.

En nú hafa kínverskir vísindamenn komið fram með nýja kenningu hvernig megi draga úr líkum á skalla.

Vísindamenn við Tsinghua háskólann í Peking gerðu rannsókn á tengslum mataræðis og skalla á 1.028 karlmönnum á aldrinum 18 til 45 ára.

Af þeim voru 57,6 prósent með hárlos, sumir meira, aðrir minna. Þeir reyndust drekka að meðaltali 4,293 millílítra af sykruðu gosi og öðrum sætum drykkjum á viku.

Ekki reyndist munur á drykkjum með náttúrulegum sætuefnum, á við ávaxtasafa, og sykruðum drykkjum, eins og gosi. 

Hin 42,4 prósent mannanna drukku aftur á móti aðeins 2,513 millílítra af sömu drykkjum í viku hverri.

Meira kaffi, minna kók

Í niðurstöðum rannsóknarinnar segir að ekki sé annað en hægt að álykta að það sé sterk tengsl á milli neyslu sykraðra drykkja og skalla. Ástæðan sé að þeir sem drekki mikið af slíkum drykkjum hafi hærri blóðsykur sem lengi hefur verið tengdur við hárlos. 

En í skýrslunni kemur einnig fram að karlmönnum sé óhætt að sykra kaffi og te (í hófi) þar sem koffín vinni gegn hárlosi.

Fjöldi karlmanna rokkar aftur á móti skallann. Vin Diesel væri ekki samur með hár. Mynd/Getty

 

Fjöldi rannsókna um ágæti koffíns við hárlosi styður niðurstöður kínversku vísindamannanna. Ekki bara getur neysla koffíns komið í veg fyrir hárlos heldur getur það jafnvel valdið auknum hárvexti þar sem það eykur blóðflæði til hársekkja sem ýtir undir hárvöxt. Sérstaklega hjá karlmönnum. 

Svo það er meira kaffi og minna kók á nýju ári, það er fyrir þá sem hafa áhyggjur af hármissi. 

Þeir eru aftur á móti margir karlmennirnir sem eru alsælir með sinn skalla og ætti þeim að vera óhætt að halda áfram að sulla í sykruðu gosi. 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Í gær

Ragnar fékk áfall þegar vaktfélagi hans svipti sig lífi – „Hann bjargaði mörgum mannslífum, af hverju gat ég ekki bjargað hans?“

Ragnar fékk áfall þegar vaktfélagi hans svipti sig lífi – „Hann bjargaði mörgum mannslífum, af hverju gat ég ekki bjargað hans?“
Fókus
Í gær

Raunveruleikastjarna birti sláandi mynd – Hefur nánast eytt aleigunni að komast til botns í þessu

Raunveruleikastjarna birti sláandi mynd – Hefur nánast eytt aleigunni að komast til botns í þessu
Fókus
Fyrir 2 dögum

Hawk Tuah-gellan í klandri út af rafmyntabraski – „Þú stalst af mér ævisparnaðinum“

Hawk Tuah-gellan í klandri út af rafmyntabraski – „Þú stalst af mér ævisparnaðinum“
Fókus
Fyrir 2 dögum

Íslensk móðir skráði sig á Tinder og fékk áfall vegna þess sem hún sá: „Mér finnst þetta svo hræðilega rangt“

Íslensk móðir skráði sig á Tinder og fékk áfall vegna þess sem hún sá: „Mér finnst þetta svo hræðilega rangt“
Fókus
Fyrir 4 dögum

Teddi náði botninum eftir að sérsveitin handtók hann í húsgagnaverslun

Teddi náði botninum eftir að sérsveitin handtók hann í húsgagnaverslun
Fókus
Fyrir 4 dögum

Svava Kristín lenti í slysi á unglingsaldri – „Ég get ekki orðið hlaupari en ég get gert margt annað“

Svava Kristín lenti í slysi á unglingsaldri – „Ég get ekki orðið hlaupari en ég get gert margt annað“