Söng- og leikkonan Selena Gomez fór með aðalhlutverkið í þáttunum, sem nutu mikilla vinsælda á sjónvarpsstöðinni.
Daniel, eða Dan eins og hann kallar sig, er nú OnlyFans-stjarna og ástæðan á bak við þessa nýju starfsgrein er átakanleg.
Það kom mörgum aðdáendum hans á óvart að hann hafi snúið sér að klámi en Dan segir að það hafi löngu verið fyrirséð.
Hann greinir frá þessu í myndbandi á TikTok.
Þetta byrjaði allt þegar hann lék í vinsælu Disney þáttunum og fékk skilaboð frá fallegum konum. Hann átti samskipti við þessar konur sem báðu hann um að senda þeim djarfar myndir.
Dan segir að hann hafi sent nokkrum þeirra nektarmyndir, en svo kom í ljós að konurnar voru ekki þær sem þær sögðust vera.
„Ég sendi þeim nektarmyndir og þær deildu þeim á netinu,“ segir leikarinn.
Fljótlega voru nektarmyndirnar hans út um allt internetið. Hann segir að hann hafi eytt mörgum árum að reyna að láta þær hverfa, en það er nær ómögulegt að eyða einhverju af netinu.
Hann segir að þetta hafi verið mjög erfið og átakanleg reynsla og hann hafi næstum því misst vinnunna vegna málsins.
View this post on Instagram
„Augljóslega vildi ég ekki að þessar myndir væru þarna úti. En eins og þú getur ímyndað þér þá var það mjög erfitt að láta þær hverfa. Ég missti næstum því vinnuna og eftir þetta ákvað ég að segja skilið við leiklistina,“ segir hann.
Eftir nokkurra ára erfiði ákvað Dan að leyfa ekki myndunum að stjórna sér, heldur tók hann stjórnina.
„Ég ákvað að hætta að berjast gegn þessu og fara í hina áttina. Ég stofnaði OnlyFans,“ segir hann.
Síðan hann byrjaði á síðunni hefur hann „skemmt mér konunglega“ og grætt á tá og fingri.
„Ég hef kynnst fullt af frábæru fólki í klámbransanum og það hefur breytt lífi mínu til hins betra.“
