Instagram-síðan Problematic Fame vekur athygli á muninum á raunveruleikanum og samfélagsmiðlunum og hvernig Instagram getur haft áhrif á fegurðarstaðla samfélagsins. Síðan birtir reglulega myndir sem stjörnurnar birta sjálfar á samfélagsmiðlum og ber þær saman við upprunalegu myndirnar.
Oft er mikill munur á myndum, stjörnurnar eiga það til að breyta áferðinni á húðinni sinni, minnka mittið, handleggi og svo framvegis.
Sjá einnig: Kom upp um J.Lo – „Ég er sjaldan í sjokki en þetta er eitthvað annað“
Nær oftast eru viðfangsefni síðunnar kvenkyns, eins og Jennifer Lopez og Dove Cameron, en í þetta skipti er það tónlistarmaðurinn Machine Gun Kelly, sem heitir réttu nafni Colson Baker.
Problematic Fame ber saman mynd sem Machine Gun Kelly birti á Instagram við upprunalegu myndina sem má finna í myndabanka Getty Images.
Sjáðu samanburðinn hér að neðan.
View this post on Instagram
Problematic Fame biður netverja um að hafa aðgát í nærveru sálar í athugasemdakerfinu og segir að Machine Gun Kelly sé myndarlegur sama hvað. Tilgangur færslunnar er að benda á að hversu óraunhæfir fegurðarstaðlar samfélagsins eru og að stjörnurnar sjálfar, sem gjarnan setja staðalinn, geta ekki einu sinni staðist þá.
