Það vakti nokkra athygli í dag þegar fjölmiðlamaðurinn Eiríkur Jónsson birti færslu á samnefndum miðli sínum þar sem því var varpað fram að Vítalía Lazareva svipaði til Vladimir Pútín Rússlandsforseta. Færslan var sögð vera „Póstur dagsins“ og þar komu fram eftirfarandi vangaveltur frá meintum lesanda.
Hefurðu tekið eftir hvað Vítalía er lík Pútín? Ef þú hefur ekkert betra að gera, þá gæti verið gaman að sjá myndir af þeim hlið við hlið. Er Vítalía kannski frænka Pútíns? Eða dóttir?
Vítalía vakti sjálf athygli á færslunni á Twitter-síðu sinni og ljóst að henni var ekki skemmt.
„Á ég að hlæja núna? Ég þoli mikið en þetta er kannski full svona já mikið,“ tísti Vítalía og birti skjáskot af færslunni umdeildu.
