Tónlistarfólkið Svala Björgvinsdóttir og Hafsteinn Þór Guðjónsson, betur þekktur sem Haffi Haff, frumsýndu í dag myndband við nýja lagið sitt, I wanna dance, sem kom út á dögunum. Myndbandið, sem er í leikstjórn Ólafs Torfasonar, er í hressara lagi enda ekki við öðru að búast þegar Svala og Haffi eru annars vegar.
Lagið unnu þau með Örlygi Smára sem er best þekktur fyrir frábæran árangur sinn í Eurovision í gegnum árin. Það var einmitt í þeirri kepppni sem Svala og Haffi unnu fyrst saman. Árið 2008 flutti Haffi lagið „The Wiggle Wiggle Song“ eftirminnilega en höfundur lagsins var Svala. Segja má að lagið og flutningurinn hafi ýtt ferli Haffa sem tónlistarmanns úr vör og síðan hafa vinirnir verið spenntir fyrir því að vinna saman að nýju. Tækifærið kom þegar Haffi sendi Svölu demó með laginu og þá var ekki aftur snúið.
