Söngkonurnar sáu um atriðið í hálfleiknum í febrúar 2020. Það sló í gegn, en ekki hjá öllum. Sérstaklega ekki Megyn Kelly sem tjáði andúð sína á atriðinu í hlaðvarpsþætti sínum á dögunum.
Henni fannst þær of léttklæddar. „Ég mótmæli hlutum eins og Jennifer Lopez og Shakiru að sýna á sér píkuna í hálfleik Ofurskálarinnar,“ sagði fyrrverandi Fox News fréttakonan.
„Ég meina, ég vil það ekki,“ sagði hún svo og fór síðan að ræða um þegar konur „taka líkama sínum fagnandi.“
Sjá einnig: Sjáðu Jennifer Lopez og Shakiru slá í gegn í hálfleik Ofurskálarinnar
„Það þarf að vera viðeigandi út frá aðstæðum. Ég er ekki beint á móti því að konur fagni líkama sínum eða sýni líkama sína á myndum til dæmis,“ sagði hún.
Megyn hrósaði ofurfyrirsætunni Paulinu Porizkova, 57 ára, sem birtir reglulega myndir af sér léttklæddri eða naktri sem leið til að fagna því að eldast.
„Paulina var að birta mjög áhugaverða færslu. Hún sýndi rassinn sinn og lítur stórglæsilega út,“ sagði hún og vísaði þá í Instagram-færslu fyrirsætunnar sem má sjá hér að neðan.
View this post on Instagram
Sjónvarpskonan sagði að ástæðan fyrir því að hún gagnrýnir J.Lo og Shakiru, en ekki Paulinu, sé vegna ólíkra aðstæðna. Ofurskálin er vinsælasti sjónvarpsviðburður Bandaríkjanna og mörg börn fylgjast með.
