Harry Bretaprins og Meghan hertogaynja gáfu út tvær nýjar portrettmyndir á mánudaginn og segist ævisöguritarinn Tom Bower vera handviss um að tilgangur þessara. mynda sé að niðurlægja bresku konungsfjölskylduna.
Tom Bower, sem er sagður vera sérfræðingur í bresku konungsfjölskyldunni, skrifaði bókina „Revenge: Meghan, Harry and the War Between the Windsors“. Í samtali við Page Six segir hann ljósmyndirnar vera „ stórt fokk jú“ við konungsfjölskylduna.
„Þetta snerist allt um: Við erum komin til baka til að byggja upp vörumerki Meghan og auglýsa bókina, Netflix-þættina og hlaðvarpið. Allt snýst um peninga. Og þau hafa forskot, þau voru í sviðsljósinu í sjö daga í kringum jarðarförina, á hverjum einasta degi voru þau í mynd eða tökum,“ sagði hann.
Hann bar síðan saman viðveru hjónanna í jarðarför Elísabetar Bretadrottningar annars vegar og svo hins vegar í 70 ára valdaafmælisfögnuði drottningarinnar í júní síðast liðnum. Tom sagði að Harry og Meghan hafi látið lítið fara fyrir sér á síðarnefnda viðburðinum.
„Þau voru hjá einhverjum glugga á efri hæðinni og sáust varla“ en í jarðarförinni hefðu þau „verið miðpunktur athyglinnar.“
Á mánudaginn gaf ljósmyndarinn Misan Harriman út tvær nýjar portrettmyndir af Harry og Meghan. Myndirnar voru teknar í Bretlands heimsókn hjónanna stuttu áður en drottningin lést.
View this post on Instagram
View this post on Instagram
Myndirnar komu út tveimur dögum eftir að ný portrettmynd var birt af Karli Bretakonungi, Camillu, Vilhjálmi Bretaprins og Katrínu hertogaynju.
Tom Bower lítur svo á að það hafi ekki verið tilviljun.
Hann sagðist trúa því að nýja mynd Sussex hjónanna sé „diss“ gagnvart bresku konungsfjölskyldunni.
„Það var aldrei möguleiki á að þau myndu sættast og nú er möguleikinn enn minni, eins og atburðir síðustu 24 klukkustunda hafa sýnt okkur. Breska konungsfjölskyldan gaf út mynd af þeim fjórum saman, og [Harry og Meghan] svöruðu strax með mynd af þeim tveimur saman. Átök eru hafin ný og það mun bætast olía í eldinn,“ sagði hann.
