Karlmaður er lítill í sér eftir að hann og kærasta hans stunduðu kynlíf með öðru pari. „Ég hélt að þetta yrði algjör draumur, en nú finnst mér ég bara lítill,“ segir hann í bréfi sínu til kynlífs- og sambandsráðgjafa The Sun, og er þá að vísa í typpastærð sína.
„Fyrir nokkrum vikum var vinapar okkar í heimsókn. Ég er 28 ára og kærastan mín er 26 ára og við höfum verið saman í fimm ár,“ segir hann og fer yfir atburðarás kvöldsins.
„Seinna um kvöldið fór ég inn í eldhús að ná í bjór og í horninu var kærasta mín og besta vinkona hennar, þær voru að flissa og þegar ég spurði um hvað þær væru að tala, sagðist þeim langa í ferkant með mér og kærasta bestu vinkonunnar.“
Maðurinn samþykkti. „Mér fannst það vera heimskulegt að láta tækifærið framhjá mér fara. Við fórum inn í svefnherbergi og byrjuðum að kyssa og afklæða hvert annað. Mér fannst mjög heitt að horfa á kærustu mína kyssa bestu vinkonu sína.“
Allt var frábært, þar til kærasti vinkonunnar fór úr nærbuxunum. „Ég heyrði kærustuna mína taka andköf og hún hrópaði upp fyrir sig: „Vá, hann er tilkomumikill!“ Ég var miður mín,“ segir maðurinn.
„Þó svo að hún hafi ekkib eint sagt að typpið mitt væri lítið, þá gáfu viðbrögð hennar vinum okkar til kynna að það væri það. Ég renndi upp buxnaklaufinni, tók bolinn minn og strunsaði út úr herberginu. Kærasta mín kom hlaupandi á eftir mér og þegar ég sagði að hún hefði niðurlægt mig sagði hún að ég væri að láta fáránlega.“
Maðurinn segir að þau hafi ekki talað saman sem eftir var kvöldsins og hafa ekki stundað kynlíf síðan þá. „Ég get ekki hætt að hugsa um viðbrögð hennar. Engin kona hefur sagt að ég sé undir meðalstærð, en kannski er ég það.“
Deidre svarar manninum og segir að það er alltaf flókið að bjóða þriðju, jafnvel fjórðu, manneskjuna inn í svefnherbergið.
„Það gæti hljómað spennandi en ég því miður heyri aðeins frá fólki sem hefur brennt sig á þessu. Að bjóða einhverjum nýjum inn í sambandið getur kallað fram óöryggi og afbrýðisemi. Ef þetta á að virka þá þarf að ræða öll smáatriði fyrir fram. Hverjar eru væntingar ykkar og hvar eru mörkin?“
Deidre stappar einnig stálinu í hann. „Ég fæ sjaldan skilaboð frá fólki sem kvartar undan því að typpi maka þeirra sé of lítið. Það sem skiptir máli er hversu umhyggjusamur þú ert.“
Hún bendir á að áfengi hafi verið við hönd þetta kvöld og viðbrögð kærustunnar megi rekja til þess. „Talaðu við hana um hvernig þér líður,“ segir hún.
