Fyrrverandi kaffibarþjónn á Starbuck greinir frá því hvað hún var vön að gera þegar viðskiptavinir voru dónalegir við hana. Fabulous Digital greinir frá.
Konan viðurkenndi í myndbandi á TikTok að hún hefði gefið dónalegum viðskiptavinum viljandi vitlausa kaffipöntun. Eftir að hafa fengið mikla gagnrýni eyddi konan myndbandinu en fleiri fyrrverandi barþjónar hafa uppljóstrað sinni hefnd gegn ruddalegum viðskiptavinum.
TikTok-notandinn @Dolltin tók undir sama streng og sagðist hafa gert það sama, hann gaf dónalegum viðskiptavinum koffínlaust kaffi.
Hann sagðist hafa starfað fyrir Starbucks kaffihúsarkeðjuna í tvö ár og stundum skipti hann út kaffi fyrir koffínlaust kaffi „af því bara“. Hann gerði það oftast við „dónalega viðskiptavini“ og viðskiptavini sem báru fram orðið „croissant“ með frönskum hreim. Nema auðvitað ef þetta voru Frakkar.
Netverjar voru ekki parsáttir við játningar hans og margir kölluðu hann „pjattaðan“ (e. petty).
„Þetta myndi gjörsamlega eyðileggja daginn minn,“ sagði einn.
„Hvað er að ykkur kaffibarþjónunum,“ sagði annar.
„Þú ert samfélagsæxli,“ sagði sá þriðji.
