Dagur B. Eggertsson, borgarstjóri Reykjavíkur, fagnaði 49 ára afmæli sínu um helgina. Borgarstjórinn birti í dag færslu á Facebook-síðu sinni þar sem hann þakkar fyrir afmæliskveðjur en hann segist hafa vaknað óvenju krumpaður á afmælisdaginn.

„Vaknaði óvenju krumpaður – en umvafinn fjölskyldu og kærleika – á 49 ára afmælisdaginn á laugardag. Er greinilega að komast á þann aldur að morgun-myndatökur eru líklega ekki málið,“ segir Dagur í færslunni.

Dagur segist hafa fengið mikinn fjölda af góðum kveðjum og með þeim skemmtilegar myndir úr dagsins önn. Hann fékk þó enga greiðu á afmælisdaginn. „Fékk þá ábendingu að framundan væri síðsta árið þar sem ég gæti verið ungur og viltur. Hárið fékk því að halda sinum náttúrlega stíl frameftir degi,“ segir hann og þakkar svo vinum sínum fyrir kveðjurnar.

„Takk kæru vinir fyrir falleg orð. Þau náðu til hjartans og göldruðu fram bros. Þið eruð frábær!“