Það er aldrei auðvelt að komast að því að makinn þinn er að halda framhjá, hvað þá þegar þú kemst að því fyrir algjöra tilviljun.

Ung kona segir frá því að hún hafi verið að skoða notuð föt til sölu á síðunni Depop. Hún sá þar bol sem henni leist vel á, en það var eitthvað við myndina af bolnum sem vakti athygli hennar, hún kannaðist við bakgrunninn. The Sun greinir frá.

Konan áttaði sig á að myndin hefði verið tekin heima hjá kærasta hennar, réttara sagt í svefnherbergi kærasta hennar. Til að vera viss sendi hún konunni sem var að selja bolinn skilaboð og spurði hvort hún þekkti kærasta sinn. Sölukonan játaði.

Konan spurði þá hvort myndin hafi verið tekin í svefnherberginu hans.

„Já því ég skildi eftir dótið mitt hjá honum. Af hverju spyrðu? Þekkirðu hann?“ Svaraði þá konan sem var að selja bolinn.

„Já hann er kærasti minn!! Af hverju varstu heima hjá honum?“ Spurði kærastan.

„Omg elskan, mér þykir það svo leitt, ég vissi það ekki! En hefurðu enn áhuga á bolnum?“

Skiljanlega hafði kærastan engan áhuga á bolnum og sagði: „Nei ég hef ekki fokking áhuga.“

Saga konunnar hefur vakið mikla athygli á samfélagsmiðlum og það sem hefur vakið hvað mesta athygli er að konan sem var að selja bolinn hélt áfram að ýta undir söluna. Hún á kannski framtíð fyrir sér í sölumennsku.

Sjá einnig: Snjallúrið kom upp um framhjáhaldið