Ef þú ert aðdáandi Friends þáttanna þá gæti verið að upplýsingarnar hér að neðan munu eyðileggja fyrir þér þættina, eða kannski breyta upplifun þinni þegar þú horfir á þá. Við höfum allavega varað þig við!

Netverji á TikTok vakti athygli á einu sem Jennifer Aniston gerði þegar hún lék Rachel í Friends. Og eftir að þú sérð það, þá áttu ekki eftir að geta horft á þættina án þess að taka eftir því.

„Ef þú ert aðdáandi ekki horfa á þetta, þetta á eftir að eyðileggja líf þitt […] Jennifer Aniston gerir svolítið í byrjun hverrar setningar í hverjum þætti sem hún er í. Það er mjög erfitt að taka ekki eftir því um leið og þú veist af því,“ segir netverjinn.

Jennifer ræskir sig áður en hún talar. Ef þig vantar dæmi, þá eru 200 dæmi í myndbandinu hér að neðan.

Nokkrir netverjar bentu á að Jennifer tók greinilega einhverjar ákvarðanir sem leikkona, og þetta var hvernig karakterinn Rachel brást við í atriðum þar sem henni til dæmis leið óþægilega eða var vandræðaleg.