Dóra Björt Guðjónsdóttir, borgarfulltrúi Pírata, birti í gærkvöldi færslu á Twitter-síðu sinni en í færslunni talar hún um það hve ástfangin hún er þessa stundina.
„Kæra dagbók. Ég er svo ástfangin að hjartað mitt hefur þurft að bókstaflega stækka undanfarna daga til að rúma þetta,“ segir Dóra í upphafi færslunnar.
Í upphafi árs greindi DV frá því að Dóra hafi óvart fundið ástina í fyrra. „Af góðu bar hæst stóra stóra ástin sem fann mig svo óvænt. Eins og stormsveipur af töfradufti og stjörnuryki og regnbogaeinhyrningum. Fann mig og lýsti upp næturhimininn,“ skrifaði Dóra í janúar þegar hún greindi frá sambandi sínu með Sævari Ólafssyni, 38 ára íþróttafræðingi og Breiðhyltingi.
Ljóst er að ástin blómstrar ennþá hjá þeim Dóru og Sævari. „Ótrúleg tilfinning að elska aðra manneskju á þennan hátt af öllum lífs og sálar kröftum. Svona var þá lukkupotturinn. Meira var það ekki í bili,“ skrifaði Dóra í gær.
Kæra dagbók. Ég er svo ástfangin að hjartað mitt hefur þurft að bókstaflega stækka undanfarna daga til að rúma þetta. Ótrúleg tilfinning að elska aðra manneskju á þennan hátt af öllum lífs og sálar kröftum. Svona var þá lukkupotturinn. Meira var það ekki í bili #ástartwitter.
— Dóra Björt (@DoraBjort) October 26, 2021