Söngkonan Elísabet Ormslev er gengin út. Sá heppni heitir Sindri Þór Kárason. Hann er hljóðhönnuður og vinnur við hljóðblöndun hjá Sagafilm.

Elísabet, sem er 27 ára gömul, er dóttir söngkonunnar Helgu Möller og fótboltamannsins fyrrverandi Péturs Ormslev. Elísabet er einnig menntaður förðunarfræðingur og hefur verið að gera það gott með hljómsveitinni Albatross auk þess sem hún hefur tekið þátt í undankeppni Eurovision við góðan orðstír.

Elísabet greinir frá nýfundinni ást í áramótakveðju sinni á Facebook.

„Það verður að segjast að það er extra skemmtilegt að fara inn í 2021 með þessum. Gleðilegt nýtt ár elsku vinir og takk fyrir það liðna,“ segir hún.