Silja Sif Kristinsdóttir opnar sig um hrottalegt ofbeldi sem hún varð fyrir af hálfu fyrrverandi kærasta í nýjum hlaðvarpsþætti Eigin Kvenna. Hún segir manninn vera vinsælan á samfélagsmiðlum í dag og vera í veitingabransanum.
Þátturinn er aðgengilegur á Patreon-síðu Eigin Kvenna en brot úr þættinum var birt fyrr í dag á Instagram-síðu þáttarins. Í byrjun þáttarins er sérstaklega varað við grófum lýsingum á ofbeldi.
„Á átján ára afmælisdaginn minn lét hann mig fara í banka og taka út allan fermingarpeninginn minn,“ segir Silja Sif.
„Svo var hann farinn að sýna mér konur: „Já ég var að sofa hjá þessari í gær, hún er miklu flottari en þú.““
Að sögn Silju Sifjar var kærastinn „kynferðislega brenglaður.“ að hennar mati. „Hann var byrjaður að hrækja á mig, slá mig eða kyrkja mig. Einu sinni leið yfir mig þegar hann kyrkti mig í kynlífi, þá lét ég hann vita að mér fannst þetta óþægilegt eða mig langaði þetta ekki. En þetta gerðist alltaf aftur. Hann sló mig einhvern tíma þannig að ég fékk blóðnasir og ég er með ör eftir hann. Hann reif tunguhaftið mitt þegar hann tróð hendinni upp í kjaftinn á mér, ég var alveg að kafna og gat ekki borðað, tuggið mat í einhvern tíma eftir þetta.“
View this post on Instagram
Maðurinn er ekki nafngreindur í myndbandinu en hún segir hann þekktan á samfélagsmiðlum.
„Þegar maður sér hann í dag á samfélagsmiðlum verður maður bara reiður. Hann kemst upp með þetta því „hann er bara svona.“ Sérstaklega þegar maður er búinn að heyra sögur frá öðrum konum líka. Því mér fannst þetta alltaf vera mér að kenna, hann kenndi mér líka oft um,“ segir Silja Sif og bætir við að hún viti til þess að „konan hans skoðar storyið mitt.“
Silja Sif segir að maðurinn hefur meðal annars talað opinberlega illa um fatlað fólk og samkynhneigða.
„Hann hefur talað niður til allra nema gagnkynhneigðra karlmanna,“ segir hún.
Edda Falak rifjar þá upp ummæli sem maðurinn hefur sagt opinberlega.
„Hann er ekki að taka ábyrgð á neinu, hann svífst einskis. […] Þetta er búið að láta viðgangast í svo mörg ár,“ segir Edda og bætir við:
„Hann er með 17 þúsund fleiri fylgjendur þar sem hann er að tala um að konur eigi ekki að fá jafn laun og maður eigi ekki að bera virðingu fyrir leginu í konum […] og opnandi veitingastað.“
Þáttinn er hægt að hlusta í heild sinni á Patreon-síðu Eigin Kvenna.
