Ung kona í leit að ástinni sneri sér að stefnumótaforritinu Hinge. Forritið uppfærir reglulega lista yfir karlmenn sem hún „passar vel við.“ Karlmenn sem forritið telur hana eiga ýmislegt sameiginlegt með og ætti þar með að hitta.
Brooke Averick, 24 ára, er með yfir 720 þúsund fylgjendur á TikTok. Hún var með fjölskyldu sinni yfir Þakkargjörðarhátíðina þegar hún fékk meldingu um að forritið væri nýbúið að uppfæra listann hennar. Hún kíkti spennt á listann, hugsanlega væri draumaprinsinn þarna, en henni brá heldur í brún þegar sá sem var á listanum var í sama herbergi og hún.
Stefnumótaforritið taldi að Brooke myndi ná vel saman með Noah. Eini vandinn er sá að þau eru systkini.
Brooke greindi frá raunum sínum af forritinu í myndbandi á TikTok sem hefur slegið í gegn. Fjölmiðlar vestanhafs, eins og NY Post og People, hafa einnig fjallað um málið og er öllum skemmt, nema að sjálfsögðu Brooke.
@ladyefronThankful for this new batch of emotional distress 🦃 #GivingThanks #fyp @bertefron♬ original sound – Brooke Averick
Eins og fyrr segir hefur myndbandið slegið í gegn. Söngkonan Meghan Trainor var ein af þeim sem þótti þetta sprenghlægilegt.
Samkvæmt Elite Daily notar Hinge reiknirit (e. algorithm), sem hefur unnið til Nóbels-verðlauna, og notar svör notenda til að finna út hverjir passa saman.