Fjölmiðlakonan Guðrún Sóley Gestsdóttir bauð rapparanum Jóhanni Kristófer Stefánssyni, blaðamanninum Ölmu Mjöll Ólafsdóttur og ljósmyndaranum Sigtryggi Ara Jóhannssyni að ræða kvikmyndina Cats í Lestarklefanum á RÚV.
Cats, sem er leikstýrt af Tom Hooper og byggir á vinsælum söngleik Andrew Lloyd Webber hefur fengið arfaslakar viðtökur um víða veröld. Viðmælendur Guðrúnar voru engin undantekning, en Jóhann Kristófer sagði myndina ver ógeðslega.
„Þarna er fólk með putta og þófa á fótunum og mér fannst búningarnir jaðra við að vera ógeðslegir.“
„Ég fór á þessa mynd og hún kláraðist og ég vildi eiginlega bara leggjast undir sæng og gleyma þessum klukkustundum sem var stolið af mér og ég fæ aldrei aftur,“
„Ég leyfi mér að fullyrða að Cats sé ein alversta kvikmynd sem ég hef séð,“
Sigtryggur Ari var á sama máli, hann fór á myndina með dóttur sinni í von um að minnka fordóma sína gegn myndinni, en það virðist ekki hafa virkað.
„Hún var æðislega leiðinleg. Ég gjörsamlega afber varla að hlusta á söngleikjatónlist og Andrew Lloyd Webber-dót – ég bara get það ekki. Ég labbaði út og fór að pæla í því hvað ég ætti að fá mér að borða, það var ekkert sem sat eftir.“
Alma Mjöll var einnig mjög gagnrýnin á myndina, þá sérstaklega gervin og búningana sem hún líkti við kannibalisma.
„Ég hugsaði í alvöru: Er að koma heimsendir? Af hverju er ég að sjá þetta? Er þetta fyrirboði um að allt sé að fara til helvítis?“
„Af hverju eru þessir kettir líka í pels? Þetta er svo mikill kattakannibalismi,“
