Breska blaðið Guardian hefur valið bestu bíómyndirnar sem komið hafa út á þessari öld. Á listanum kennir ýmissa grasa en það kemur ef til vill mörgum á óvart hvaða mynd rataði í efsta sæti listans.
Það er myndin There Will Be Blood frá árinu 2007 í leikstjórn Paul Thomas Anderson. Myndin vann tvenn Óskarsverðlaun á sínum tíma; Daniel Day Lewis fékk verðlaun fyrir besta leik í aðalhlutverki og þá var myndin verðlaunuð fyrir myndatöku. Eflaust eru ekki allir sammála þessu vali þó myndin sé frábær.
Í öðru sæti listans er myndin 12 Years a Slave frá árinu 2013. Myndin hlaut þrenn Óskarsverðlaun á sínum tíma og féll almennt vel í kramið hjá gagnrýnendum. Í þriðja sætinu er svo myndin Boyhood frá árinu 2014. Þá vekur myndin í 10. sæti nokkra athygli, en það er myndin Team America: World Police frá árinu 2004.
Topp 10 listi Guardian:
1. There Will Be Blood (2007)
2. 12 Years a Slave (2013)
3. Boyhood (2014)
4. Under the Skin (2013)
5. In the Mood for Love (2000)
6. Hidden (2005)
7. Synecdoche, New York (2008)
8. Moonlight (2016)
9. Zama (2017)
10. Team America: World Police (2004)
