Sólrún Diego, áhrifavaldur á sviði þrifa, og nýbakaður eiginmaður hennar, Frans Veigar Garðarsson, festu kaup á einbýlishúsi í Mosfellsbæ í fyrra. Húsið er 320 fermetrar og var kaupverð tæpar hundrað milljónir. Húsið er glæsilegt í alla staði og ku vera eitt best þrifna hús landsins. Afborganir af slíku húsnæðisláni, ef miðað er við áttatíu prósenta lán, eru að lágmarki um 250 þúsund krónur á mánuði. Sólrún hefur hins vegar verið með mánaðartekjur um og yfir 320 þúsund krónum tvö ár í röð ef marka má Tekjublað DV og Frans var með tæplega 340 þúsund í mánaðarlaun í fyrra. Það er því ljóst að hjónin kunna listina að spara – list sem fleiri mættu tileinka sér.